ياترى ممكن توافق؟؟؟ عاوزين الصراحة

[اصالة الشريف]

السلام عليكم

النهارده حبيت اطرح موضوع للمناقشة
وهوه التبرع بالاعضاء
ياترى ممكن توافق عل انك تتبرع بأعضائك بعد الوفاة ؟
ولا بتعتبر جسمك مش ملكك وملك ربك وانته مش من حقك تعمل بيه حاجة زى كده ؟
مع العلم ان فى ناس كتييير قوى بتبقى محتاجة كلى او كبد اوقرنية مثلا
ياترى ها يبقى عندك الشجاعة اساسا انك تعمل حاجة زى كده؟؟ :huh:
احب اعرف آرائكم

[تبت الى الله]

لراى بسيط جدا
هو انه لا
ليه؟
لانه محرم شرعا
وان شاء الله انا قريتها فى فتوى بس مش مسجله الفتوى دى
فياريت كلنا نبحث عن هذه الفتوى
لكنى متاكده من الاجابه

[اصالة الشريف]

امممممممممممم

امممممممممممم
طب ماشى اللى انتى قلتيه على عينى وراسى
نكمل سماع الآراء

[تبت الى الله]

ربنا يبارك فيكى حبيبتى اصاله

[د.عبدالعزيز الحويطان]

المفتي : الشيخ سلمان العودة

التاريخ 20/1/1422

السؤال :

امرأة لديها مرض كلية، فهي تتعالج كل يومين، بمعنى: أنها تذهب إلى المستشفى لإخراج الدم وتنظيفه، فهل يجوز لابنها أو أحد أقاربه أن يتبرع لها بأحد الكليتين حتى يقوم الأطباء بزرعها عندها؟

الجواب :

بالنسبة للتبرع بعد الموت بالأعضاء فهي من المسائل الحادثة، وقد تكلم فيه العلماء، واختلف رأيهم حولها, وأعني حول أصل المسألة الذي هو حكم نقل الأعضاء من شخص إلى آخر>

فذهب أكثر العلماء إلى الجواز , منهم: الشيخ عبد الرحمن السعدي -رحمه الله-, وصدرت فيه فتاوى من عدد من الجهات العلمية في العالم الإسلامي، منها:
المؤتمر الإسلامي الدولي المنعقد في ماليزيا,
ومجمع الفقه الإسلامي,
وهيئة كبار العلماء بالسعودية,
ولجنة الإفتاء بالأردن، والكويت، ومصر، والجزائر.

أجازه هؤلاء بشروط معتبرة مراعاةً للضرورات والمصالح التي منها حفظ حياة الناس وصحتهم .

وخالفهم آخرون، فمنعوا نقل الأعضاء، ومنهم:
الشيخ محمد العثيمين,
والشيخ الشعراوي,
والشيخ الغماري عبدالله الصديق .

والرأي الأول هو المختار لمسيس الحاجة إليه, وحرص الشرع على حفظ حياة الإنسان, وزوال ما يؤدي إلى الموت أو المعاناة والمرض, وعدم وجود دليل صحيح على منع نقل الأعضاء .

لكن يراعى في ذلك الشروط المعتبرة, مثل ألا يكون في ذلك ضرر بين على من أخذ العضو منه, وأن يكون بموافقته، ونحو ذلك .

أسال الله لي ولكم الفائدة .[/COLOR]

[فلادر الوالاشى]

- ونحن مع الاجماع مع محبتنا لمشايخنا وعلمائنا الكرام الاخرون


فذهب أكثر العلماء إلى الجواز , منهم: الشيخ عبد الرحمن السعدي -رحمه الله-, وصدرت فيه فتاوى من عدد من الجهات العلمية في العالم الإسلامي، منها:
المؤتمر الإسلامي الدولي المنعقد في ماليزيا,
ومجمع الفقه الإسلامي,
وهيئة كبار العلماء بالسعودية,
ولجنة الإفتاء بالأردن، والكويت، ومصر، والجزائر.

- ويكفى اجماع هؤلاء العلماء ولجان الافتاء جزاك الله خيرا اخى بن حنبل

[اصالة الشريف]

ماشى برضه والله مشكورين على الكلام ده
ااقول بقى انا اللى عندى
الموضوع تمت اجازته فعلا ...بمعنى ان زمان مش كان فى التبرع بالاعضاء ماشى
لكن احنا عارفين ان ديننا قرآنا وسنة يصلح لكل زمان ومكان
لذلك ولو بشكل فطرى كده هانلاقى ان ربنا بيقول ان الخير يتعمل بس من غير ضرر
والرسول صلى الله عليه وسلم قال برضه
لا ضرر ولا ضرار
كمان الموضوع حساس بمعنى انه ماشى يتم لكن بشروط واضحة ..واساسه الامانة يعنى الموضوع يتم بامانة وضمير ..مش يموتوا واحد او يكونوا مش متاكدين من الوفاء او يستهبلوا بمعنى اصح علشان يستغلوا ده ..وبعدين تقريبا من الناحية الطبية مش اى حاجة تتاخد من الميت ..يعنى الكلى بتتاخد مثلا من واحد ميت حاااااااالا ويكونوا على علم بتحاليله ومدى توافقها ..الكبد مثلا ممكن يتاخد جزء من حى ..او برضه ميت طازج ..بس على العموم فى جميع الاحوال هوه مش حرام طالما فيه المصلحة ..لشخص ومش فيه ضرر من الشخص التانى
انما الحرام فعلا ..واللى فى اللحظة ديه يقول انه مش يملك جسمه وان جسمه ملك لله ..هوه ان الشخص يبيع جزء من جسمه ..يعنى يبيع الكلى مثلا حتى اذا كان محتاج لفلوس ...
عموما مشكورين على المشاركة
وربنا يعافينا يارب

[فطوم]

السلام عليكم ورحمة الله ... الموضوع جديد ومهم وشكرا على طرحه
من وجهة نظرى لا اوافق على التبرع بالاعضاء وللاسباب
ببساطه هل جاء فى القرآن الكريم أو الحديث ما يبيح ذلك او يشير اليه
اذن فهو منتهى ... طيب وليه ما ياخذوش الاجزاء التالفة من الحيوانات بدلا من الانسان
هل ذلك لاختلاف الانسجة ام لم يطرح هذا

[حاتم ابو محمد]

السلام عليكم ورحمة الله وبركاته
موضوع جميل يستحق النقاش والمختصر ان اباحة التبرع بالاعضاء لها شروطها فان توفرت هذه الشروط فهذا عمل له من الله الاجر والثواب فما رأيكم بالميت الذي وافق على التبرع بالقرنية قبل الوفاة طبعا تخيلوا انسان لا يبصر بحاجة الى قرنية ليبصر بها والانسان الاخر ميت . اما المحرم قطعا وشرعا هو الاتجار بالاعضاء البشرية واستبدال كلمة ( كم تدفع ) بكلمة ( اني اتبرع ) ولا حول ولا قوة الا بالله حتى الدم هنالك من يشتريه ومن يبيعه
والمعذرة للاطالة لكني انهي القول بانه لا يوجد في الحديث او القران او عند الائمة من منع التبرع بالاعضاء عند الميت وفق الشروط المتعارف عليها ...........

[اصالة الشريف]

مشكوووووووووورين على المرور
والاخ مشمش ولا الاخت مشمشة
ممكن يكون مفيش فى القرآن والسنة نص بيوضح اباحة الأمر ده او عدمه
بس ده لانه زمان على ايام الرسول صلى الله عليه وسلم مش كان فى موضوع التبرع بالاعضاء ده
بس ابسط شئ يعرفه طفل فى الحضانة حتى ان الاسلام دين بيدعو للخير ولصلاح البشرية
وتدعيم القيم والمثل الانسانية وكون انسان يتبرع بجزء من جسمه لحد علشان خاطر يكون سبب ربنا مسببه لحياة الانسان ده من تانى اذن مش حرام ولا عيب
ياريت نحكم عقلنا شوية ومش كل حاجة نعوز ليها نص صريح ولا آية علشان نمشى عليها
ولا فتوى من شيخ نمشى عليها ونقول آمين